Arrestohet lojtari i United, ish-e dashura e akuzon për dhunë

Mason Greenwood është i arrestuar sepse akuzohet për dhunë dhe kërcënim me vdekje. Ish-e dashura e lojtarit të Manchester United thotë se ai e ka dhunuar seksualisht.

20-vjeçari është arrestuar që prej datës 30 janar dhe është marrë në pyetje nga hetuesit.

Policia e Manchester publikoi një përditësim të ri mbi situatën ku thuhet: “Hetuesve iu dha kohë shtesë për të folur me 20-vjeçarin, i cili u arrestua me akuzën e përdhunimit dhe sulmit të një gruaje”.

Ndërkohë skuadra e Manchester United ka dalë me një deklaratë ku thekson se dënon me forcë çdo formë të dhunës.

“Manchester United përsërit dënimin e tij të fortë të dhunës së çdo lloji. Siç u komunikua më parë, Mason Greenwood nuk do të stërvitet me klubin, apo të luajë për klubin deri në një njoftim të dytë,” – shkruhej në deklaratë.

Kompania e prodhimit EA Sports ka vendosur që të heqë nga lista e të dhënave të FIFA 22 lojtarin e Manchester United dhe kombëtares angleze.

Kompania sportive Nike ka ndërprerë gjithashtu marrëdhëniet me lojtarin.

LEXONI GJITHASHTU:

• Konflikti FSHF-Bashkia e Tiranës mund të zgjidhej nga një gjykatë sportive, thotë avokati