Vodhi 8 banesa në Tiranë me çelës kopje, arrestohet 21-vjeçari

Policia e Tiranës ka arrestuar një 21-vjeçar i cili duke përdorur kopje çelësash grabiste banesa në kryeqytet.

Marsel Sula u vu në pranga nga efektivët e komisariatit nr. 2 në Tiranë. Nga hetimet ka rezultuar se ky shtetas, pasi i studionte banesat, duke përdorur disa pajisje speciale, bënte kopje të çelësave dhe me pas kryente vjedhjet, duke hyrë në banesa pa dëmtime të dyerve apo dritareve dhe duke iu shmangur kamerave të sigurisë.

Nëpërmjet këtij mekanizimi, sipas policisë Sula dyshohet të ketë vjedhur në 8 banesa të ndryshme, gjatë muajit dhjetor 2021 dhe muajve janar dhe shkurt 2022.

Policia i ka sekuestruar 21-vjeçarit një mekanizëm çelës përshtatës që shërben për kopjimin/klonimin dhe hapjen e bravave, një kuti me vegla dhe çelësa si ato të kopjimit të çelësave të bravave, një çelës makine, çelësa të ndryshëm banesash, dy aparate celulare, një dron me kamerë, 3 televizorë, 24 ora dore të markave të ndryshme, 4 çanta të ndryshme, një iPad, një kamer sigurie, një playstation dhe 4 laptopë, disa bizhuteri floriri, 295.000 lekë të rinj, 6400 euro, 276 dollarë dhe 490 paund.

LEXONI GJITHASHTU:

• Ekskluzive| Foto nga momenti i grabitjes së argjendarisë në Shkodër
• Grabiti me pistoletë lodër zyrën e dhënies së kredive, arrestohet 30-vjeçari në Korçë