GJKKO dënon ish-gjyqtaren e Krujës me 2 vjet burg

GJJKKO dënoi me 3 vjet ish-gjyqtaren e Krujës Enkeleda Hoxha, të hënën.

Hoxha do të kalojë 2 vite në burg, për shkak të gjykimit të shkurtuar.

Ish-gjyqtarja u shpall fajtore për shpërdorim detyre dhe korrupsion lidhur me lirimin e të dënuarve.

Bashkë me Hoxhën me 4 vite burg është dënuar edhe avokati Aldo Tabaku i cili ndërmjetësonte lirimin e të dënuarve.

Me gjykim të shkurtuar, Tabaku do të kalojë 2 vjet e 8 muaj në burg.

Me vendimet e saj, Hoxha ka liruar nga qelia përfaqësues të krimit si Genc Tafili dhe Hekuran Billa.

Gjithashtu, ajo ishte në proces shqyrtimi të kërkesës së të dënuarit për vrasje Saimir Petani, i cili sipas hetimeve do të përfitonte lehtësi nga vendimi që do të jepej.