Dëshmitë në Komisionin e hetimit për inceneratorët

Komisioni Hetimor në Kuvend nisi sot marrjen e dëshmive për hetimin që ka nisur për inceneratorët e Fierit, Tiranës dhe Elbasanit.

Para deputetëve e para dëshmoi administratorja e landfillit të Tiranës, Ariola Kodra.

Gjatë dëshmisë së saj, nuk munguan as momentet e tensionit mes deputetëve të opozitës dhe maxhorancës.

“Tarifa prej 29 euro që merr shoqëria për shërbimin që ofron, parashikon të gjitha procedurat që nga momenti i parë e deri në procesin e fundit”, tha Kodra.

I dyti në komision u paraqit, Arenc Myrtezani – ish-Administrator i Inceneratorit të Fierit.

“Në media kam parë që paga ime ishte edhe 13 milionë lekë, bëje publike se nuk kam gjë për të fshehur”, tha Myrtezani.

Këto dëshmi, për kryetaren e Komisionit Jorida Tabaku, nxorën në pah skemat korruptive të pastrimit të parave.

Ndërsa deputeti socialist, Arben Pëllumbi theksoi rëndësinë e transparencës në këtë proces.

Thirrja e dëshmitarëve në këtë komision do të vazhdojë për 2 javë me radhë.