Policia godet një tjetër shtëpi bari në Tiranë

Policia arrestoi një person për kultivim kanabisi brenda një banese në Tiranë, të martën.

Brenda banesës, 38-vjeçari Alban Karapici kishte mbjellë disa fidanë me kanabis, të cilat i kultivonte me ndihmën e 31 llambave elektrike.

Policia gjeti në banesë 140 gramë kanabis të shpërndarë në 7 kavanoza qelqi.

Policia gjeti dhe sekuestroi gjithashtu një radio si ato që përdoren nga Policia, një bllokues valësh dhe një detektor për kërkimin e GPS.

Policia arrestoi sot edhe nipin e Emiliano Shullazit, Leonardo Zela pasi shiste drogën që kultivonte në banesë 38-vjeçari.

Prokuroria e Tiranës po kryen hetimet për dy të arrestuarit.

Shtëpitë e barit po kthehen në një fenomen në Shqipëri, pasi gjatë muajve të fundit policia ka identifikuar disa prej tyre.