Parlamenti francez u kthen pikturat e famshme familjeve hebreje

15 piktura përfshi vepra shumë të njohura në Gustav Klimt dhe Marc Chagall do t’u kthehen familjeve hebreje të cilat u përkisnin përpara se t’u grabiteshin nga nazistët.

Parlamenti francez autorizoi në mënyrë unanime që pikturat e famshme të cilat aktualisht ndodhen në muzetë e këtij vendi t’u kthehen pronarëve të tyre të ligjshëm.

“Ky është hapi i parë pasi vepra arti dhe libra mbahen ende në koleksione publike. Objekte që nuk duhet të ishin kurrë atje”, tha ministrja e kulturës Roselyne Bachelot, ndërsa kërkimet mbi origjinën e koleksioneve janë përshpejtuar.

Vendimi i parlamentit francez mirëpret një ligj historik me të cilin, për herë të parë në shtatëdhjetë vjet, një qeveri po ndërmerr hapa për të lejuar kthimin e veprave nga koleksionet publike të grabitura gjatë Luftës së Dytë Botërore ose të fituara në kushte të trazuara gjatë pushtimit, për shkak të persekutimet antisemite.

Mes 15 veprave të artit është edhe piktura e famshme e Gustav Klimt, “Trëndafilat nën pemë”, e mbajtur në muzeun e Luvrit, e vetmja vepër e artistit austriak në koleksionin kombëtar.

Hetimet kanë zbuluar se ajo i përkiste Eléonore Stiasny, nga Austria, e detyruar ta shiste në Vjenë në 1938, përpara se të deportohej dhe të vritej.

LEXONI GJITHASHTU:

• Piktura e grabitur nga nazistët i kthehet pas 71 vjetësh familjes hebreje
• Bota e artistit të rrugës, 130 pikturat e Banksy shfaqen në ekspozitë në metron e Milanos