Shtëpia e Bardhë akuzon Moskën për sulme kibernetike ndaj Ukrainës

Shtëpia e Bardhë akuzoi të premten Rusinë se është përgjegjëse për sulmet e fundit kibernetike që synojnë Ministrinë e Mbrojtjes të Ukrainës dhe bankat kryesore.

Anne Neuberger, zyrtarja e lartë e Shtëpisë së Bardhë tha se i kishte lidhur sulmet me Rusinë dhe po fajësonte publikisht Kremlinin. Ajo nënvizoi se nuk kishte asnjë informacion që tregonte se SHBA-ja do të ishte në shënjestër të një sulmi kibernetik.

Moska ka deklaruar vazhdimisht se nuk ka ndërmend të pushtojë Ukrainën, por kërkon garanci nga NATO se Ukraina dhe shtetet e tjera ish-sovjetike nuk do të pranohen në aleancë.

Nga ana e tjetër presidenti Joe Biden deklaron se autoritetet ruse kanë vendosur të pushtojnë Ukrainën.

LEXONI GJITHASHTU:

• Biden: Putin ka vendosur të pushtojë Ukrainën