Komisioni për Inceneratorët, dëshmon administratorja Kodra

Ka nisur Komisioni Hetimor për inceneratorët, ku e thirrur për të dëshmuar është administratorja e Inceneratorit te Tiranes Ariola Kodra.

Kujtojmë se Kodra nuk është paraqitur në tre thirrje të këtij Komisionit.

Ligji parashikon shoqërim me forcë nga Policia të personave që refuzojnë dëshminë në Komisionin Hetimor.

Dëshminë e parë, Kodra e dha me 14 shkurt, kur u njoftua nga Kryetarja e Komisionit Jorida Tabaku se në rast dëshmie të rremë dënohet me 6 vite heqje lirie.

Gjatë dëshmisë së parë, administratorja është shprehur se nuk ka pasur eksperiencë në fushën e mëparshme të menaxhimit të mbetjeve.

Pyetjes se si është siguruar fondi për impiantin e inceneratorit të Tiranës, Kodra i është përgjigjur se financimi është tërësisht privat dhe se është marrë kredi në bankat e nivelit të dytë. Por ajo nuk e dha shifrën e kredisë së marrë pasi, “nuk i kujtojhej”.

Tabaku e ka vënë përpara fakteve ku rezulton se kompania ka pasur një garanci bankare prej 100 mijë lekësh dhe kompania ka marrë një kredi bankare të cilën e ka përdorur të gjithën për investimin dhe nuk ka pasur asnjë kapital të vetëm.

Po gjatë marrjes në pyetjes administratorja e kompanisë zgjodhi të mos i përgjigjet pyetjes së Tabakut, duke thënë se nuk mbante mend takimin e fundit me personat Klodian Zoton, Stela Gugalljan dhe Mirel Mërtirin.

Në orën 13:00, në Komisionin janë thirrur të dëshmojnë, kryetarja e bashkisë së Durrësit Emiriana Sako, ish-Ministri i Financvae Shkëlqim Cani, Ministrja e Infrastrukturës Balluku, kryetari i bashkisë Fier, Armando Subashi dhe zv. Kryeministri Arben Ahmetaj.