8 efektivë të policisë të lënduar gjatë përplasjeve me banorët e 5 Majit

5 efektivë të Policisë së Shtetit dhe 3 punonjës të Policisë Bashkiake janë lënduar gjatë për përplasjeve me banorët e zonës së 5 Majit.

Policia bën me dije se efektivët kanë marrë dëmtime nga sende të forta dhe lëndë djegëse dhe ndodhen në Spitalin e Traumës, duke marrë ndihmën mjekësore.

Policia e Tiranës ka shoqëruar disa persona në komisariat.

Mëngjesin e sotëm pati përplasje mes banorëve të zonës së “5 Majit” dhe policisë për shembjen e banesave.  Për të shpërndarë turmën policia hodhi gaz lotsjellës dhe një protestues humbi ndjenjat.

Banorët kundështojnë vendimin e qeverisë për shembjen e banesave, pasi deklarojnë se rrezikojnë të mos përfitojnë asgjë.