Nis ulja e çmimeve të karburanteve në Shqipëri, lista e plotë

Lufta në Ukrainë ka sjellë pasoja edhe në Shqipëri, me rritjen e çmimeve të karburantit dhe të produkteve të tjera.

Fakt është që çmimi i naftës në bursën ndërkombëtare është rritur gjatë ditëve të fundit. Dhe kjo gjë siç ndodh zakonisht është reflektuar dhe në Shqipëri.

Megjithatë stabilizimi i tregjeve ndërkombëtare ka nisur të sjellë ndryshime dhe në çmimin e karburanteve në vendin tone. Nga sot dhe në vazhdim vlera e një litri karburant në treg do të jetë si më poshtë:

• Diezel 223 lekë
• Benzinë 95 223 lekë
• Gazi nuk ndryshon

Për këtë situatë kryeministri Edi Rama ka njoftuar ngritjen e një bordi të posaçëm që do të kryejë monitorime dhe do të marrë masa për moslejimin e abuzimeve me çmimin e karburanteve.

Pasojat e luftës në Ukrainë kanë ndikuar ndjeshëm dhe në çmimet e produkteve të tjera, kryesisht ato ushqimore për të cilat Shqipëria është e varur nga eksportet ndërkombëtare.

Këto pasoja kanë nisur të ndihem qartazi në Evropë dhe në vendet e Ballkanit ndërsa çmimet kanë pësuar rritje të ndjeshme në disa shtete.