Deklarata e fortë e Monika Kryemadhit: Nuk do njohim asnjë ligj dhe vendim të këtij Parlamenti

Kryetarja e LSI-së, Monika Kryemadhi bëri një deklaratë të fortë në studion e “Ilva Now”, ndërsa tha se ajo dhe partia që drejton nuk do të njohin asnjë vendim apo ligj që ka votuar ky Parlament, pas momentit të djegies së mandateve nga opozita.

“Unë kam qenë shumë e qartë: Unë nuk do të njoh asnjë ligj dhe vendim të Parlamentit pas djegies së mandateve që është mbi 84 vota. Pra, çfarë do të thotë? Do të thotë që çdo ligj që nga parlamenti ilegjitim që është me 82 deputetë, unë si Monika Kryemadhi dhe si LSI nuk njohim asnjë vendim, që ky parlament ka miratuar, kushdo qoftë”, tha ajo.

 Ajo theksoi më tej se miratimi i reformës zgjedhore do t’i hapte rrugë mbajtjes së zgjedhjeve në Shqipëri, ku shtoi se kjo është një ndër arsyet se pse kryeministri tenton ta spostojë miratimin e saj.

“Ajo që dua të them është shumë e rëndësishme për të kuptuar që me ilegjitimitet nuk do mund të legjitimosh ilegjitimitetin. Për ne si LSI dhe si opozitë, miratimi i reformës zgjedhore sa më shpejt i hap rrugë zgjedhjeve të reja, dhe kjo është një nga arsyet që Rama dhe mazhoranca kërkojnë ta spostojnë më tej”, shtoi Kryemadhi.

Lexoni gjithashtu: 

Reforma zgjedhore, Kryemadhi: LSI kërkon qeveri tranzitore dhe ndalim të shit-blerjes së votës

Monika Kryemadhi zbulon ‘planin’ se si do të mbrohet Teatri Kombëtar nga shembja

Reforma zgjedhore, Kryemadhi: LSI kërkon qeveri tranzitore dhe ndalim të shit-blerjes së votës