Rusia dhe Kina forcojnë bashkëpunimin për çështjet globale

Moska dhe Pekini kanë prezantuar një vizion të një rendi të ri botëror, ndërsa ministri i Jashtëm rus, Sergey Lavrov udhëtoi personalisht në Kinë.

Në pamje të parë zyrtari i lartë rus udhëtoi për të marrë pjesë në një forum mbi të ardhmen e Afganistanit, por me homologun kinez, dyshja e diplomatëve tregoi kujdes të shfaqte edhe forcimin e raporteve mes dy shteteve.

“Ne po jetojmë një fazë shumë serioze në historinë e marrëdhënieve ndërkombëtare. Jam i bindur se në fund të kësaj faze situata ndërkombëtare do të jetë shumë më e qartë dhe se ne së bashku me ju dhe me miqtë tanë do të shkojmë drejt një rend botëror multipolar, i drejtë, demokratik”, u shpreh ministri i Jaashtëm, Sergei Lavrov.

Një zëdhënës i ministrisë së jashtme konfirmoi më vonë se të dy palët kishin rënë dakord të thellojnë bashkëpunimin dhe të flasin për çështjet globale me një zë të bashkuar.

“Bashkëpunimi Kinë-Rusi nuk ka kufij. Përpjekja jonë për paqen nuk ka kufij, ruajtja jonë e sigurisë nuk ka kufij, kundërshtimi ynë ndaj hegjemonisë nuk ka kufi”, deklaroi Wang Wenbin, zëdhënës i Ministrisë së Jashtme Kineze.

Megjithatë, analistët vërejnë se Pekini po përpiqet të mbajë një pozicion  të vështirë balancimi me Moskën.

Ai as nuk e ka dënuar pushtimin e Ukrainës dhe as nuk e ka mbështetur atë – sovraniteti territorial është një pikë pengese. Por, i ka cilësuar kundërproduktive sanksionet perëndimore të vendosura ndaj Rusisë.

LEXONI GJITHASHTU:

• Astronautët rusë dhe amerikanë ‘harrojnë’ grindjet për konfliktin në Ukrainë
• SHBA kritikon Rusinë, raketa anti-satelit e lëshuar nga Moska kërcënoi jetën e 7 astronautëve