Papa Françesku mund të udhëtojë drejt Ukrainës

Të shtunën, Papa Françesku deklaroi se mund të zhvillojë një udhëtim në kryeqytetin ukrainas, Kiev.

Gjatë udhëtimit nga Roma për në Maltë, Papa Françesku u pyet nga një gazetar nëse po shqyrtonte një ftesë të bërë nga autoritetet politike dhe fetare ukrainase.

Papa nuk ka dhënë shumë detaje për pyetjen e bërë duke u përgjigjur: “Po është në tryezë”.

Ai është ftuar nga presidenti ukrainas Volodymyr Zelenski me të cilin ka komunikuar në telefon, kryetari i bashkisë së Kievit Vitaliy Klitschko dhe Kryepeshkopi Major Sviatoslav Shevchuk i Kishës Katolike të Ukrainës.

Gjatë deklaratave të mëparshme, Papa ka dënuar veprimet ushtarake në Ukrainë, të cilat i ka quajtur një “agresion të pajustifikuar” dhe ka denoncuar “mizoritë”.

LEXONI GJITHASHTU:

• Papa Françesku: Nuk mund të mësohemi me luftën
• Papa Françesku thirrje për paqe: Sulme barbare pa arsye të vlefshme
• Bisedimet Rusi-Ukrainë mund të zhvillohen javën e ardhshme