SHBA vendos këtë javë sanksione të reja ndaj Rusisë

SHBA do të vendosë sanksione të reja kundër Rusisë këtë javë, raporton ‘Reuters’.

Këshilltari për sigurinë në Shtëpinë e Bardhë, Jake Sullivan tha se SHBA do të marrë masa të reja kundër Moskës për shkak të vazhdimit të pushtimit të Ukrainës.

Sullivan gjithashtu tha se SHBA do të vazhdojë të ofrojë ndihmë ushtarake për Ukrainën në ditët e ardhshme.

Ai i cilësoi pamjet e publikuara nga krimet e rusëve në Bucha si prova të krimeve të luftës.

“Ne jemi të bindur që Rusia ka kryer krime lufte në Ukrainë dhe informacionet nga Bucha dëshmojnë prova të reja”, tha Sullivan.