Të dënohen përgjegjësit e gjenocidit serb në Kosovë, thotë Kurti

“Nuk ka dyshim që gjenocidi i Serbisë njihet edhe botërisht përveçse, andaj edhe drejtësia vendore dhe ajo ndërkombëtare duhet pa vonesë dhe me ngulm të veprojmë në mënyrë që përgjegjësit dhe urdhërdhënësit të gjykohen dhe dënohen”.

Kështu deklaroi kryeministri i Kosovës Albin Kurti gjatë homazheve në 23-vjetorin e masakrës së Rezallës në Skënderaj.

Kurti bashkë me komandantin e Forcës së Sigurisë së Kosovës (FSK) gjenerallejtënant, Bashkim Jasharin dhe ministrin e Mbrojtjes, Armend Mehaj vendosën kurora lulesh tek kompleksi.

Sot mbushen 23 vjet nga masakra në Rezallë të Skenderajt, ku nga ushtria dhe policia serbe u ekzekutuan 98 shqiptarë, banorë të Rezallës dhe fshatrave përreth, nga të cilët 44 ishin munduar t’i zhdukin.

Një pjesë e trupave u gjenden në Rudnicë të Rashkës dhe iu dorëzuan familjarëve. Më 5 prill të vitit 1999 serbët rrethuan shtëpitë e këtyre familjeve dhe pushkatuan pothuajse të gjithë burrat dhe djemtë e rinj.

Nga masakra në Rezallës vetëm tre kanë shpëtuar të gjallë. Kjo masakër konsiderohet si një ndër masakrat më të pamëshirshme gjatë luftës në Kosovë.

LEXONI GJITHASHTU:

• 23 vite nga Masakra e Reçakut ku u vranë 45 qytetarë
• Ministri serb Vulin nxit reagime në rajon me deklaratën për “botën serbe”
• Vuçiç: Kurti po kthehet 150 vite pas, Serbia gati të bisedojë për çdo gjë