Rama-ndërkombëtarëve për amnistinë fiskale: Këtu bëhet ajo që do populli

Qeveria shqiptare do të formalizojë paratë që sjellin emigrantët. Vendimi është marrë pasi 66 % e qytetarëve kanë votuar pro në pyetësorin e Këshillimit Kombëtar.

“Është e patolerueshme që edhe për të sjellë 30 mijë paund nga Britania e Madhe duhet të kalojnë në një kalvar të paimagjinueshëm edhe këtu, me bllokime, verifikime, certifikime, hetime, është e patolerueshme”, tha Rama.

Përgjigjet e qytetarëve i shërbyen Ramës për të shenjëstruar ndërkombëtarët që dy vite më parë i kritikuan projektligjin e depozituar në kuvend.

“Tani këtë gjë duhet ta marrin në konsideratë dhe partnerët tanë, që këtu duhet të bëhet ajo që thotë populli shqiptar”, deklaroi Rama.

Në shkurt të 2020, kryeministri shpalli për herë të parë projektin e amnistisë fiskale. Por, për shkak të kritikave nga institucionet ndërkombëtare, përfshirë dhe fondin monetar ndërkombëtar, projektligj u tërhoq nga qeveria dhe u la në hije.

LEXONI GJITHASHTU:

• Do kërkojmë ndarjen nga RMV nëse Bullgaria s’i heq veton, thotë Rama
• Rama: Do legalizojmë kultivimin e kanabisit mjekësor