Bayern Mynih fiton ndaj Borusia Dortmund dhe hedh një hap drejt titullit, kryendeshja luhet në stadium të boshatisur

Është luajtur dje në “Signal Iduna Park”, kryendeshja e javës së 28-të Bundesligës Gjermane, mes Dortmundit dhe Bayernit të Mynihut. Bavarezët fituan në këtë takim me rezultatin 1-0, duke forcuar pozitat e tyre në krye të klasifikimit. 

Bayern Munich triumfoi në klasiken gjermane përballë Borusia Dortmund me rezultatin 1-0 me gol të realizuar nga Kimish në minutën e 43 të pjesës së parë.

Një ndeshje që u luajt me një stadium të boshatisur si kurrë më parë për shkak të COVID-19. Pavarësisht përpjekjeve të Haland, Hakimi dhe Sanços, verdhezinjtë nuk arritën të kthejnë rezultatin.

Kjo fitore ishte mjaft e rëndësishme për bavarezët që konsolidojnë pozitat në kreun e klasifikimit të Bundesligës gjermane.

Tashmë diferenca me Borusia Dortmund që mban vendin e dytë shkon në 7 pikë. Një sukses ky që e afron Bayernin akoma më shumë me titullin kampion pasi në 27 javë kampionat ka arritur të grumbullojë 67 pikë.

Futbolli gjerman rinisi aktivitetin e tij më 16 maj, nën një protokoll të veçantë masash, ku herë pas here bëhet dezinfektimi i topit, rezervat duhet të jenë të distancuara nga njëra-tjetra, ndërsa golat duhet të festohen në distancë.