Lëvizte me drogë dhe i armatosur në Tiranë, policia arreston 45-vjeçarin

Policia njoftoi të enjten arrestimin e një 45-vjeçari, të cilit i gjetën drogë dhe disa armë.

Autoritetet kishin marrë informacion se personi në fjalë, me inicialet A.G, lëvizte i armatosur dhe për këtë oficerë të policisë e pikasën në flagrancë dhe i gjetën në një çantë dore një pistoletë dhe një sasi e vogël kokaine e ndarë në qese.

Pas kësaj, policia i kontrolloi edhe banesën, në të cilën gjetën një pistoletë tjetër e karikuar me pistoletë në fole, një pushkë e tipit “shotgun” dhe një sasi fishekësh.

Personi në fjalë jetonte në afërsi të rrugës Sotir Caci, njohur ndryshe si zona e Freskut në lindje të Tiranës.

Tashmë 45-vjeçari do të ndiqet penalisht për trafik droge dhe armë mbajtje pa leje, për të cilat mund të dënohet deri në 7 vite burg.