37 sulme kibernetike ruse kundër Ukrainës, dyshime për bashkëpunim me qeverinë

Hakerët e qeverisë ruse kanë kryer të paktën 37 sulme kibernetike kundër Ukrainës që nga fillimi luftës, thuhet në një raport të Microsoft.

Studiuesit e gjigantit të teknologjisë thanë se sulmet digjitale ndaj Ukrainës filluan një vit përpara pushtimit dhe mund të kenë hedhur themelet për misione ushtarake.

Victor Zhora, një zyrtar ukrainas i sigurisë kibernetike, tha se ai vazhdon të shohë hakerat rusë që synojnë kompanitë e telekomit dhe operatorët e rrjetit të energjisë, raporton Reuters.

“Unë besoj se ata mund të organizojnë më shumë sulme ndaj këtyre sektorëve. Ne nuk duhet të nënvlerësojmë hakerat rusë, por ndoshta nuk duhet të mbivlerësojmë potencialin e tyre,” tha ai.

Më 1 mars, ditën kur një raketë goditi kullën televizive të Kievit, kompanitë e medias u goditën nga hakerat shkatërruese, thuhet në raport.

LEXONI GJITHASHTU:

• Stoltenberg: Anëtarësimi në NATO i Finlandës dhe Suedisë do të jetë i shpejtë
• Finlanda dhe Suedia pritet të aplikojnë për anëtarësim në NATO në muajin maj