Hakmarrja e Trump ndaj Twitter, firmos urdhrin ekzekutiv për heqjen e mbrojtjes ligjore ndaj mediave sociale

Presidenti amerikan Donald Trump ka nënshkruar një urdhër ekzekutiv që synon heqjen e disa prej mbrojtjeve ligjore për platformat e mediave sociale.

Ai iu jep autoriteteve fuqinë për të ndërmarrë veprime ligjore kundër firmave të tilla si Facebook dhe Tëitter për mënyrën se si ata kontrollojnë përmbajtjet e tyre.  

Ndërsa firmoste urdhrin Presidenti Trump akuzoi platformat e mediave sociale se kishin “fuqi të pakontrolluar”.

“Po nënshkruaj këtë urdhër ekzekutiv për të mbrojtur dhe ruajtur lirinë e fjalës dhe të drejtat e popullit amerikan” u shpreh Trump. Por një urdhër i tillë pritet të përballet me sfida ligjore. Trump ka akuzuar rregullisht platformat e mediave sociale për shtypjen ose censurimin e zërave konservatorë.

Pak ditë më parë  kreu i Shtëpisë së Bardhë akuzoi Twitterin për ndërhyrje në zgjedhje, pasi rrjeti social shtoi dy ligje që iu jepnin mundësi përdoruesve të kontrollonin dhe të faktonin postimet e presidentit.

Një urdhër i ngjashëm ekzekutiv ishte konsideruar më parë nga administrata, por ishte lënë mënjanë mes shqetësimeve se nuk plotësonte detyrimet ligjore dhe shkelte parimet e lirisë së fjalës.