Kundërshtuan kontrollin në qeli, autoritetet e burgjeve kërkojnë mbikëqyrje të veçantë për Avdylajt

Autoritetet e burgjeve kanë kërkuar që dy nga anëtarët e grupit të Avdylajve të vendosen në mbikëqyrje të veçantë për shkak të kundërshtive gjatë një kontrolli rutinë.

Burime bëjnë me dije se më 23 maj Astrit dhe Altin Avdyli, dy prej anëtarëve të grupit nga Shijaku, kanë kundërshtuar kontrollin rutinë në mjediset e paraburgimit 313 dhe për këtë është kërkuar ndryshimi i nivelit të sigurisë.

Vëllezërit Avdylaj janë pjesë e çështjes së njohur si “Dosja 339”, ku bashkë me persona të tjerë akuzohen për trafik droge si grup i strukturuar kriminal.

Nga përgjimet e tyre, biseda me funksionarë politikë i kanë përfshinë ata edhe në akuzat e shitblerjes së votave.