Aktivitetet që lejohen pas datës 1 qershor

Pavarësisht se ditët e fundit ka pasur rritje shqetësuese të rasteve me COVID-19, qeveria nuk e ka ndryshuar programin e lehtësimit të masave.

Ministria e Shëndetësisë ka njoftuar se çfarë do të lejohet dhe çfarë nuk do të lejohet pas datës 1 qershor.

Kështu pas datës 1 qershor në të gjithë vendin do të:

• hiqen kufizimet e orareve për qytetarët dhe bizneset
• hapen kufijtë tokësorë, pa detyrim karantine, përveç rasteve kur konsiderohet e domosdoshme nga autoritetet
• hapen plazhet, pas 1 qershorit vetëm në hoteleri, pas 6 qershorit të gjitha plazhet publike
• hapen kopshtet dhe çerdhet
• hapen parqet, këndet e lojërave, palestrat dhe qendrat e internetit
• hapen aktivitetet sportive, pa spektatorë
• hapen kurset profesionale, edukative, argëtuese
• hapen kurset e punësimit

Megjithatë do të ketë aktivitete të cilat nuk do të lejohen deri më 23 qershor, datë në të cilën përfundon dhe ligjërisht gjendja e fatkeqësisë natyrore.

Deri atëherë ndalohet:

• hapja e klubeve të natës
• hapja e pishinave
• hapja e teatrove, kinemave
• tubimet, konferencat
• organizimet e mëdha, përtej familjare, për funeralet, dasmat etj;

Lexoni gjithashtu:

Ogerta Manastirliu jep lajmin: Nga nesër hiqen kufizimet e orareve për qytetarët dhe bizneset

23 raste të reja me COVID-19 në vendin tonë, ‘skuqen’ sërish zonat e gjelbra