BE shpreh shqetësim të thellë mbi zhvillimet në Hong-Kong

Bashkimi Europian është shprehur se është tejet i shqetësuar mbi zhvillimet e fundit në Hong-Kong.

Pas një videokonference me ministrin e Jashtëm gjatë së premtes, shefi i BE për politikat e jashtme Josep Borrell ka mbrojtur parimin e sistemit “një shtet, dy sisteme”, por nuk e ka çuar çështjen më tej.

“Ne do të vazhdojmë të diskutojmë, do vazhdojmë t’i bëjmë thirrje Pekinit”, tha Borrell.

“Reagimi ynë duhet të përkojë me hapat e ndërmarra prej tyre dhe do të vijojmë t’i bëjmë presion autoriteteve kineze në mënyrë që t’i bëjmë të vetëdijshëm se kjo çështje do të ndikojë në mënyrën sesi ne trajtojmë disa çështje me interes të përbashkët, por nuk ka asgjë më tepër se kaq në agjendë”. 

“Member States have expressed a clear common position on recent #HongKong developments. Steps taken risk to undermine the ‘One Country, Two Systems’ principle and call into question China’s will to uphold international commitments”.@JosepBorrellF #FAChttps://t.co/zvyTXPEhKG pic.twitter.com/wWN53bHP9O

— European External Action Service – EEAS ?? (@eu_eeas) May 29, 2020

Në anën tjetër të Atlantikut, Shtetet e Bashkuara kanë marrë një tjetër qasje.

Uashingtoni ka reaguar përmes një deklarate duke  thënë se rajoni nuk ka më autonominë e mjaftueshme nga Kina. Gjithashtu, ata kanë kërcënuar Pekinin se do të vendosin sanksione mbi tregtinë.

Lexoni gjithashtu: 

Miratohet ligji i kontestuar, Kina ‘pushton’ Hong Kongun

SHBA kërcënon me sanksione Kinën nëse implementohet ligji për sigurinë

Paralajmërimi i Kinës për “Luftë të Ftohtë” me SHBA