600 luftëtarë ukrainas të vrarë së fundmi, njofton ministria ruse e Mbrojtjes

Ministria e Mbrojtjes ruse njoftoi të enjten se forcat e saj ushtarake goditës disa bastione ukrainase gjatë natës, duke vrarë mbi 600 luftëtarë.

“Forcat e armatosura të Federatës Ruse vazhdojnë operacionin special ushtarak në Ukrainë. Mbi 600 nacionalistë dhe 61 njësi armësh dhe pajisjesh ushtarake u shkatërruan”, njoftoi Ministria e Mbrojtjes.

Sipas autoriteteve ruse raketat e saj shkatërruan pajisje të aviacionit në aeroportin Kanatovo në rajonin qendror Kirovohrad të Ukrainës dhe një depo të madhe municionesh në qytetin jugor të Mykolaiv.

Rusia dërgoi mijëra trupa në Ukrainë më 24 shkurt, në atë që e quajti një operacion special për të degraduar aftësitë ushtarake të fqinjit të saj jugor dhe për të çrrënjosur njerëzit që i quajti nacionalistë të rrezikshëm.

Forcat ukrainase kanë ngritur rezistencë të ashpër dhe Perëndimi ka vendosur sanksione gjithëpërfshirëse ndaj Rusisë në një përpjekje për ta detyruar atë të tërheqë forcat e saj.

Prej më se shumë se 2 muaj vijojnë luftimet dhe pala ruse nuk po tërhiqet nga operacionet e saj luftarake.

LEXONI GJITHASHTU:

• Pse është Mariupoli kaq i rëndësishëm për Rusinë
• Zelenski thirrje OKB-së për të shpëtuar ukrainasit e bllokuar në Mariupol
• 600 persona humbën jetën nga bombardimi i teatrit në Mariupol, thotë raporti