BE dënon veprimet e Albin Kurtit për masat e reciprocitetit kundër Serbisë

Përfaqësuesi i posaçëm i Bashkimit Evropian për dialogun Kosovë-Serbi, Miroslav Lajçak, ka reaguar pas vendimit të Qeverisë së Kosovës, e cila vendosi të aplikojë masa të reja reciprocitetit ndaj Serbisë.

Me një reagim në “Twitter”, Lajçak shprehet i zhgënjyer për vendimin e qeverisë Kurti, duke thënë se veprime të tilla pengojnë rifillimin e dialogut.

Ai më tej kërkon që kjo masë e marrë ditën e djeshme duhet të hiqet menjëherë. Kryeministri në detyrë, Albin Kurti shkroi në faqen e tij zyrtare se asnjë maune nuk mund të hyjë në Kosovë nëse në certifikatat e tyre nuk figuron mbishkrimi “Republika e Kosovës”.

“I zhgënjyer për masat e reja të reciprocitetit, të vendosura nga qeveria në detyrë e Kosovës. Veprime të tilla të njëanshme e minojnë rifillimin e dialogut dhe duhet të largohen menjëherë. Siç është thënë vazhdimisht, ne presim që të dyja palët në dialog t’i zbatojnë dhe t’i respektojnë marrëveshjet e kaluara”, shkruan ai.

Lexoni gjithashtu: 

Albin Kurti merr 6 vendime kyçe, aplikon masën e radhës kundër Serbisë