Sekuestrohen 500 kg kokainë në Zvicër, droga e fshehur mes thasëve me kafe

Sekuestrohen 500 kilogramë kokainë në një ngarkesë me kafe në një fabrikë në Zvicër.

Kanë qenë punëtorët, ata që njoftuan autoritetet në Fribourg, për një pluhur misterioz të bardhë që gjetën në thasët që kishin mbërritur në fabrikë, shkruan Euronews. 

Droga ishte e ndarë në disa thasë të vendosur në 5 kontejnerë dhe kap një vlerë në treg prej 48 milionë eurosh.

“Për Fribourg-un, është padyshim një konfiskim i madh, është me të vërtetë mjaft i jashtëzakonshëm”, tha Marc Andrey.

“Është hera e parë që kemi një gjetje të tillë, 500 kg. Mendoj se është gjithashtu një nga konfiskimet më të mëdha në Zvicër, jo më i madhi, por një nga më të mëdhenjtë në Zvicër”, tha ai më tej.

Hetimi fillestar përcaktoi se dërgesa kishte origjinën në Brazil.