Albin Kurti mban mbledhjen e fundit të qeverisë 1 orë para mandatimit të ‘Hotit’

Kryeministri në detyrë, Albin Kurti, ka mbledhur kabinetin e tij qeveritar që nga ora 10:00 e paradites së sotme, vetëm një orë para se të nisë seanca për votimin e Qeverisë së re.

Asnjë nga ministrat nga radhët e LDK-së nuk është parë të hyjë në sallën e mbledhjes.

Një nga vendimet që do të merren gjatë mbledhjes së sotme është edhe ajo për ndarjen e 30 mijë eurove për familjet e dy minatorëve që humbën jetën në minierën e Artanës.

Po sot, në orën 11:00 në Kuvendin e Kosovës, pritet të votohet qeveria e re e kryesuar nga Avdullah Hoti.

Kjo qeveri do të ketë 16 ministra, 7 nga Lidhja Demokratike e Kosovës, 4 nga Aleanca për Ardhmërinë e Kosovës, 2 nga NISMA dhe 3 nga pakicat.

Mund të lexoni gjithashtu:

LDK propozon ministrat e rinj, ‘molla e sherrit’ me Kurtin sërish në qeveri