Basha i përgjigjet ambasadores amerikane: Gjithçka për votën e lirë

Kryetari i Partisë Demokratike, Lulzim Basha ka folur për deklaratës së bërë nga ambasadorja amerikane në Tiranë, duke theksuar se, është bërë progres për arritjen e një marrëveshjeje për reformën zgjedhore. Lideri i PD foli për një çështje që ka mbetur pezull dhe që lidhet me administrimin e procesit zgjedhor.

“Është bërë progres drejt dakortësisë për administrimin zgjedhor, ka mbetur një çështje pas zgjidhur. Dua t’i siguroj shqiptarët se, opozita e bashkuar do të bëjë gjithçka për votën e lirë dhe të ndershme”, tha z. Basha.

Lideri opozitar nuk i dha një përgjigje të prerë ambasadores Kim duke lënë të nënkuptohet se, negociatat do të vijojnë sa i takon dikutimeve lidhur me procesin e administrimit të zgjedhjeve.

Pak më herët, diplomatja amerikane shprehu përgëzime për lëshimet e bëra nga Partia Socialiste, duke theksuar se tashmë topi është në fushën Bashës, duke lënë të nënkuptohet se edhe Partia Demokratike do të duhet të bëjë lëshime në çështjen e mbetur për diskutim.

Lexoni gjithashtu:

Reforma zgjedhore, ambasadorja Kim: Përgëzoj PS për lëshimet, topi në fushën e Bashës