Në pritje të konsensusit, Gerta Meta shpreh rezerva: Reforma zgjedhore nuk po bëhet siç u premtua

Kryetarja e Koalicionit të Vëzhguesve Vendorë, Gerta Meta, ka folur rreth zhvillimeve të fundit politike, ku pak çaste më parë aktorët politikë dhe përfaqësuesit ndërkombëtarë janë mbledhur në Pallatin e Kongreseve.

Ajo tha për Euronews Albania se, kjo nuk është një reformë siç ishte premtuar dhe kjo sipas saj, po faktohet edhe nga investimi i përfaqësuesve ndërkombëtarë.

“ Është një moment që e gjithë vëmendja e jo vetëm e ndërkombëtarëve, por edhe e jona si aktorë të të shoqërisë civile është se si do të finalizohet dhe a do të arrijnë që Këshilli Politik aty atë dalë me një mesazh për të thënë se më në fund e kemi reformën zgjedhore. Nuk është një reformë siç është premtuar, por është një reformë që është përballë një presioni të fortë të ndërkombëtarëve dhe po e ndjekin këmba-këmbës”, tha ajo.

Ajo tha shpreson që Këshilli Politik të arrijë në një marrëveshje që do t’i shërbejë qytetarëve shqiptarë.

“Do ishte pozitive që edhe ne të ishim aty për të parë se çfarë qasje do të ketë mbledhja e orëve të fundit, por megjithatë shpresojmë qe klasa politike të jetë kthjelluar, ndoshta do të japin një ofertë që iu shërben qytetarëve shqiptare. Ju e shikoni se sa i vonuar është reagimi i opozitës jashtëparlamentare”, shtoi ajo.

Mes tjerash, znj. Meta u shpreh kritike pasi aktorët e shoqërisë civile janë përjashtuar nga diskutimet në kësaj tryeze. Sipas saj, prezenca e aktorëve të shoqërisë civile në diksutime do të kontribuonte në rritjen e transparencës.

“Roli i shoqërisë civile duhet të ishte aty. Ndoshta ndërkombëtarët, besoj kur situata të qetësohet sistuata, do ta thonë fjalën e tyre që ne si aktorët të shoqëris civile duhet të ishim aty, sepse kjo do t’i shërbente transparencës së Këshillit Politik”, shtoi ajo.