Mbretëria e Bashkuar: Rusia po humbet trupa si në luftën e Afganistanit

Ministria e Mbrojtjes së Mbretërisë së Bashkuar ka deklaruar se në tre muajt e parë të ‘operacionit të saj special ushtarak’, Rusia mund të ketë pësuar një numër të ngjashëm viktimash me atë të përjetuar nga Bashkimi Sovjetik gjatë luftës 9-vjeçare në Afganistan.

Taktikat e dobëta, mbulimi i kufizuar ajror, mungesa e fleksibilitetit dhe qasja komanduese e cila është e përgatitur të përforcojë dështimin ka çuar në këtë shkallë të lartë të viktimave, e cila vazhdon të rritet në ofensivën e Donbasit, sipas raportit të ministrisë.

Ministria shtoi se publiku rus, në të kaluarën, është dëshmuar i ndjeshëm ndaj viktimave të pësuar gjatë luftërave të zgjedhura, ndërsa viktimat e pësuar në Ukrainë vazhdojnë të rriten.

Latest Defence Intelligence update on the situation in Ukraine – 23 May 2022

Find out more about the UK government’s response: https://t.co/mpZMMMUOI9

🇺🇦 #StandWithUkraine 🇺🇦 pic.twitter.com/wTIofOVxC0

— Ministry of Defence 🇬🇧 (@DefenceHQ) May 23, 2022

Pak ditë më parë, Rusia shpalli fitoren në Mariupol pas betejës disamujore për të pushtuar qytetin-port.

Luftëtarët e fundit që mbronin impiantin Azovstal të qytetit tashmë janë dorëzuar, kanë bërë të ditur zyrtarë rusë.

LEXONI GJITHASHTU

• Rusia intensifikon sulmet në rajonin lindor të Luhanskut
• Ukraina zgjat ligjin ushtarak deri në gusht