SHBA propozon rregullin e ri për ndalimin e cigareve me shije

Administrata Amerikane e Shëndetësisë (FDA) ka propozuar rregulla të reja për ndalimin e cigareve me shije dhe mentol.

Ata ju kanë bërë thirrje qytetarëve për komente publike për këtë rregull të ri, të cilat më pas do arrijnë në një vendim përfundimtar.

Cigaret janë të mbushura me një sërë shijesh si portokalli, karafil, kanellë dhe vanilje.

Mentol është një substancë natyrale, e cila përftohet nga vaji i gjethes së mentes përmes distilimit me avull. Ajo mund të merret edhe nga bimë të tjera të cilat mund të prodhohen në laboratorë të ndryshëm.

Sipas Administratës, cigaret me mentol kanë një normë të lartë përdorimi në mesin e afrikano-amerikanëve, veçanërisht të rinjtë. Viti 2019 në SHBA kishte më shumë se 18.5 milionë duhanpirës të cigareve me mentol duke nisur nga mosha 12 e lart.

FDA tha gjithashtu se heqja e mentolit nga cigaret do të ndihmojë në uljen e ndjeshme të numrit të vdekjeve dhe sëmundjeve të shkaktuara nga produktet e djegura të duhanit. Masa synon të reduktojë varësinë ndaj duhanit tek të rinjtë dhe të rrisë numrin e duhanpirësve që e lënë duhanin.

LEXONI GJITHASHTU

• Çfarë thonë ekspertët: A mund të reduktohet dëmi i tymosjes së cigares?
• Mbi 400 hektarë tokë digjen në Barcelonë, zjarri u shkaktua nga një bisht cigareje