Tjetër kallëzim për shembjen e Teatrit, Aleanca padit këshillin bashkiak dhe drejtorin e IMT

Aleanca për Mbrojtjen e Teatrit ka kallëzuar në prokurori anëtarët e këshillit bashkiak të Tiranë që vendosën prishjen e Teatrit Kombëtar. Një padi është dorëzuar edhe për drejtorin e Inspektoratit Ndërtimor të bashkisë së kryeqytetit.

Sipas aktivistëve, këta persona duhet të hetohen për shkatërrim pronë dhe të veprave kulturore e shpërdorim detyre.

“Organet e drejtësisë, për të qenë të drejtë me ligjin penal do të duhet t’i kishin iniciuar vetë këto procese, por nuk e kanë bërë.

Uroj që këto që kanë sjellë aktivistët e Aleancës për Mbrojtjen e Teatrit, t’i marrin në konsideratë dhe t’i dokumentojnë siç duhet. Konstatohet se ka shkelje të gjithanshme dhe në gjykimin tonë prishja e godinës së teatrit kaq qenë e paligjshme”, tha juristi Adriatik Lapaj

Kjo nuk është padia e vetme që aleanca ka dorëzuar në këtë prokurori. Në një tjetër kallëzim të dorëzuar disa ditë para prishjes së Teatrit, ata akuzojnë inxhinieret që firmosë prishjen e Teatrit për shpërdorim detyre.

Gjithashtu, dy kallëzime të tjera janë dorëzuar në Prokurorinë e Posaçme SPAK ku kërkohet hetim për kryetarin e bashkisë së Tiranës, Erion Veliaj dhe zëvendësin e tij Arbër Mazniku.  

Mund të lexoni gjithashtu:

Aleanca për Mbrojtjen e Teatrit kallëzon në SPAK Veliajn, Lleshajn dhe Veliun

Aleanca për Mbrojtjen e Teatrit padit në SPAK Veliajn dhe Maznikun

Aleanca për Mbrojtjen e Teatrit padit për shpërdorim detyre 3 ekspertë të ndërtimit që propozuan shembjen e teatrit