Hysen Dedja merr drejtimin e Vllaznisë pas largimit të Mirsad Jonuz

Vllaznia do ta përmbyllë sezonin 2019-2020 me trajner Hysen Dedjën, i cili u emërua mesditën e së martës në vend të maqedonasit Mirsad Jonuz.

Lajmi u konfirmua nga klubi ndërsa për ish-mbrojtësin e Vllaznisë ky është rikthim në drejtimin e skuadrës pas rreth 22 vitesh.

Dedja, i cili ka luajtur me Vllazninë 17 vite në periudhën 1978-1995, ka drejtuar më parë edhe Lushnjën apo Bylisin.

Përpara ai ka një sfidë të vështirë, që është sigurimi i mbijetesës në Superligë ndërsa skuadra ka hasur shumë probleme për shkak të mos-shlyerjes së pagave.

Prej muajit janar klubi i ka pasur të bllokuara llogaritë për shkak të një ngërçi politik e administrativ i cili ka bllokuar bilancet e viteve të fundit.

Trajneri i mëparshëm Mirsad Jonuz u largua pikërisht për këtë problematikë.

Vllaznia ndodhet në vendin e 7-të me 38 pikë dhe bashkë me Teutën, Bylisin e Partizanin është në diskutim për rënien nga kategoria.

Lexoni gjithashtu:

Vllaznia mbetet pa trajner, Mirsad Jonuz largohet pas vonesave me pagat

Problemi i pagave te Vllaznia, Kadia: Marrëveshja nuk ka përfshirë Këshillin Bashkiak, buxheti ende i parishikuar

Vllaznia rikthehet në stërvitje, lojtarët dhe drejtuesit arrijnë një marrëveshje për pagat e prapambetura

Këshilli Bashkiak i Shkodrës kërkon rishikimin e pasqyrave financiare të Vllaznisë