Roli i Turqisë mes Rusisë e Ukrainës, Lavrov viziton Ankaranë

Ministri i Jashtëm rus, Sergei Lavrov viziton këtë të mërkurë Turqinë ku pritet të diskutohen mekanizmat që do të lejojnë Ukrainën të eksportojë grurë nga Deti i Zi drejt tregjeve botërore.

Turqia është e përfshirë në bisedime së bashku me Kombet e Bashkuara për të arritur një marrëveshje dhe për të reduktuar krizën ushqimore.

Diskutimet në Ankara do të kenë në fokus edhe ofensivën në veri të Sirisë, kundër forcave kurde.

“Ky nuk është një partneritet strategjik apo një aleancë strategjike sikundër shumë njerëz në Perëndim mund ta cilësojnë. Pra  ne po flasim  për një partneritet rajonal  që është i afërt sepse të dyja vendet kanë nevojë për njëra-tjetrën në çështje e fusha të ndryshme përfshirë Lindjen e Mesme, Sirinë në vecanti”, u shpreh Emre Ersen, specialist i shkencave politike në Universitetin Marmara.

Turqia ka raporte të ngushta qoftë me Ukrainën por edhe me Rusinë, ajo ka kritikuar Moskën për luftën por nuk e ka sanksionuar.

“Turqia ka nevojë për bekimin e Rusisë që të vijojë operacionet në Siri  e mendoj se ata do të përpiqen të marrin këtë lloj sigurie nga pala ruse”, u shpreh Merve Tahiroglu, koordinatore në projektin Demokracia në Lindjen e Mesme.

LEXONI GJITHASHTU:

• BE ndalon një tjetër linjë ajrore ruse të fluturojë mbi territorin europian
• Qiproja akuzon Turqinë se synon kontrollin e plotë të veriut separatist
• Sekuestrohet 4,3 ton kokainë në Itali me vlerë 240 milionë euro