​Çmimet e karburanteve në Kosovë arrijnë rreth 1,90 euro

Çmimet e karburanteve në Kosovë kanë shënuar rekord të hënën, ku një litër naftë dhe benzinë ka arritur rreth 1.90 euro.

Aktualisht çmimet janë shtrenjtuar për gati 0,15 centë në litër brenda një jave.

Sot një litër naftë është duke u shitur nga 1,86-1,90 euro në tregun e Kosovës, sipas KosovaPress.

Sipas raportit të fundit të Agjencisë së Statistikave të Kosovës, inflacioni ka arritur 12,5 për qind në muajin maj 2022 krahasuar me majin e vitit 2021.

Sipas indeksit të çmimeve, karburantet janë shtrenjtuar 45,3 për qind në muajin maj të këtij vitit krahasuar me muajin e njëjtë të vitit të kaluar.

Po kështu edhe vaji për gatim është shtrenjtuar 54,3 për qind.

LEXONI GJITHASHTU:

Bordi i Transparencës publikon çmimet për produktet ushqimore