Rritet paga minimale në Kosovë, lihen jashtë veteranët

Kuvendi i Kosovës ka votuar në parim projektligjin që i hapë rrugë rritjes së pagës minimale. Në këtë projektligj parashihet rritja e pagës minimale në 264 euro, nga 130-170 sa është aktualisht.

Ministri i Financave të Kosovës Hekuran Murati tha se projektligji do t’u ndihmojë më shumë se 100 mijë punëtorëve, të cilët paguhen më pak se 264 euro.

Projektligji ka nxitur debate të ashpra në Kosovë, pasi nuk e parasheh lidhjen e pagës minimale me pensionin e veteranëve të Ushtrisë Çlirimtare të Kosovës. Ata do të vazhdojnë të marrin pension në vlerë 170 euro.

Organizata që përfaqëson veteranët ka protestuar kundër projektligjit më 6 qershor dhe ka paralajmëruar një protestë tjetër më 16 qershor.

LEXONI GJITHASHTU:

• Vuçiç krahason Serbinë me Ukrainën: Jam për integritetin territorial