Qytetarët protestojnë të mërkurën kundër rritjes së çmimeve

Nesër në orën 18:00, shoqëria civile do t’i rikthehet protestave kundër rritjes së çmimeve.

Qytetarët do të marshojnë nga Sheshi Skënderbe drejt Kryeministrisë, për të kundërshtuar shtrenjtimin e çmimit të ushqimeve, produkteve të domosdoshme dhe karburanteve.

Aktivistja Bora Mema thotë se reagimi vjen në një kohë kur “shumica e qytetarëve e kanë të vështirë të përballojnë produktet bazike”.

Sipas saj “qeveria ka dështuar me bordet e transparencës duke mos i dhënë zgjidhje problematikave të qytetarëve”.

Madje aktivistja thotë se qeveria vazhdon të çojë një pjesë të mirë të buxhetit për koncesione dhe marrëveshje partneritet publik-privat.

LEXONI GJITHASHTU:

Çfarë efekti sjell rritja e inflacionit në jetën e përditshme