Grupi i PD-së kërkon heqjen e mandatit të Xhaçkës

14 deputetë nga grupi parlamentar i Partisë Demokratike kanë dorëzuar në Kuvend kërkesën për heqjen e mandatit të ministres Olta Xhaçka.

Mocioni u depozitua sot dhe disa nga deputët e PD-së kanë kërkuar ndjekjen e procedurës parlamentare për konstatimin e pavlefshmërisë dhe mbarimit të mandatit të deputetit për ministren për Evropën dhe Punët e Jashtme.

Në mocion sqarohet se kompania e krijuar menjëherë pas miratimit të ligjit për investimet strategjike AG. TÇ shpk në pronësi të bashkëshortit të ministres dhe deputetes znj. Olta Xhacka, ka përfituar statusin e investitorit strategjik për ndërtimin e një hoteli disa katësh me 5 yje në një sipërfaqe zhvillimi prej 10,592 m² dhe me vlerë rreth 5,5 milion euro, në Gjilekë, Bashkia Himar.

Shoqëria në pronësi të bashkëshortit të ministres dhe deputetes znj. Olta Xhacka ka përfituar masën mbështetëse të lejimit të përdorimit të bregut para hotelit për një periudhë 30 vjeçare, si dhe përfiton nga incentiva e reduktimit të TVSH-së.

LEXONI GJITHASHTU:

• Xhaçka jep lajmin e mirë për shqiptarët që jetojnë në Irlandë dhe Kanada