Mbetjet në Durrës, Rama merr vendimin: S’do të ketë hedhje plehrash në asnjë zonë të bashkisë

Kryeministri i Shqipërisë, Edi Rama ka reaguar për situatën jo të mirë që është krijuar nga plehrat në bashkinë e Durrësit.

Me një shënim në faqen e tij zyrtare në “Twitter”, shefi i mazhorancës thotë se nuk do të ketë hedhje plehrash në asnjë zonë të bashkisë gjatë kësaj faze që ai e quan si “fazë tranzicioni”.

Ai shton se nuk duhet keqpërdorur shqetësimi i durrsakëve për të nxitur shfaqjet e pakënaqësisë, të cilat sipas Ramës ushqehen përmes lajmeve të gënjeshtërta.

“Në vend që ta dizinformojnë publikun dhe të keqpërdorin shqetësimin qytetar, për audiencë dhe për të nxitur shfaqjet e pakënaqësisë që ushqehet me lajme të rreme, mediat duhet t’u thonë durrsakëve se s’do të ketë hedhje plehrash në asnjë zonë të bashkisë në këtë fazë tranzicioni!”, shkruan  Rama. 

Në vend që ta dizinformojnë publikun dhe të keqpërdorin shqetësimin qytetar, për audiencë dhe për të nxitur shfaqjet e pakënaqësisë që ushqehet me lajme të rreme, mediat duhet t’u thonë durrsakëve se s’do të ketë hedhje plehrash në asnjë zonë të bashkisë në këtë fazë tranzicioni!

— Edi Rama (@ediramaal) June 16, 2020

Në një konferencë për shtyp, numri dy i selisë blu të enjten e kaluar, Edi Paloka akuzoi qeverinë dhe kryeministrin Rama se mbylli qëllimisht vendgrumbullimin e plehrave të Durrësit për të shtuar të ardhurat e inceneratorit të Tiranës, i cili sipas marrëveshjes koncensionare paguhet me para publike për çdo sasi mbetjesh urbane që trajton.

“Në kulmin e pandemisë, përmes një tenderi të paracaktuar, u mbyll vend-depozitimi i mbetjeve në Porto Romano të Durrësit. Më pas mbetjet e Durrësit u shpërndanë në disa vende të dukshme, më vonë mafia e la qytetin pa pastruar në mënyrë që qytetarët të mërziten dhe të mos interesohen për aferën korruptive prej 100 milionë eurosh për largimin e plehrave nga qyteti. Në fund i dogjën publikisht në Manzë për të tërhequr vëmendje si nga Tirana ashtu edhe nga Durrësi,”, u shpreh Paloka.

Lexoni gjithashtu: 

PD akuza qeverisë se mbylli landfillin e Porto Romanos për 100 milionë euro pazare me mafien e plehrave

Durrësi noton në plehra, mbyllja e landfillit të Porto Romanos shkakton ndotje masive

Mbetjet e Durrësit, eksperti i mjedisit Ferruni: Politika aktuale vështirë të ndryshojë gjë