Bayern shpallet kampion, bavarezët fitojnë titullin e tetë radhazi dhe të 30-in në histori

Bayern Munich vijon të dominojë kampionatin dhe futbollin gjerman pasi arriti të siguronte titullin e 30-të në histori dhe të tetin në tetë sezonet e fundit.

Bavarezët fituan 1-0 në tansfertën e Werder Bremen dhe kaq mjaftoi për të mbyllur llogaritë e titullit 2 javë para përfundimit të kampionatit.

Robert Lewandovski ishte autori i golit. Për polakun ky ishte goli i 31 në këtë sezon të Bundesligës. Bayern me sa duket nuk ka konkurrent në Gjermani.

Pavarësisht përpjekjeve të rivalëve, ka rezultuar shumë e vështirë që t’i rrëmbehej titulli kampion nga duart.

Tashmë kampionët e Gjermanisë do të përqendrohen në dy kompeticionet e tjera që janë Kupa e Gjermanisë dhe Liga e Kampionëve.