Milan vijon partneritetin me ‘Puma’

Kampioni italian, AC Milan ka njoftuar sot për një zgjatje afatgjatë të partneritetit të tyre me brendin sportiv “Puma”.

“Puma” ka qenë prodhuesi i fanellave të Milanit që nga viti 2018, ku edhe klubi kishte përuruar “Puma House of Football” si një qendër stërvitore për të ndihmuar brezat e ardhshëm në klub.

Me këtë rast, drejtori ekzekutiv i Milanit, Ivan Gazidis, u shpreh tejet i kënaqur ndërsa tregoi që ky kapitull i ri do të fokusohet në zhvillimin e futbollit të femrave.

“Ne jemi jashtëzakonisht krenarë që vazhdojmë këtë rrugëtim me partnerin tonë të vjetër ‘Puma’, partneri ynë kryesor që nga viti 2018. Me kalimin e viteve, puna krah për krah me ‘Puma’ na ka lejuar të ndërtojmë një partneritet solid dhe autentik të bazuar në performancën, kulturën e futbollit dhe vlerat e përbashkëta, gjithmonë me një qëndrim progresi”, tha Gazidis.

🤝 @pumafootball and #ACMilan announce a long-term extension of their partnership and will launch the “PUMA House of Football” Training Center ➡️ https://t.co/kkfkiEQQnm#SempreMilan pic.twitter.com/DOoPMHDbES

— AC Milan (@acmilan) June 29, 2022

Para partneritetit të tyre me “Puma”, Milan kishte përdorur “Adidas” si prodhuesin e fanellave të tyre nga viti 1998 deri në vitin 2018.