NATO fton zyrtarisht për anëtarësim Suedinë dhe Finlandën

NATO ka ftuar zyrtarisht Suedinë dhe Finlandën këtë të mërkurë, për t’u bashkuar me aleancën ushtarake.

Zgjerimi i aleancës me te dyja vendet skandinave, konsiderohet historik dhe zvogëlon drejtpërdrejt synimet e presidentit rus Vladimir Putin, ndërsa lufta e tij Ukrainë vijon ende, shkruan CNN.

“Aderimi i Finlandës dhe Suedisë do t’i bëjë ato më të sigurta, NATO-n më të fortë dhe zonën euro-atlantike më të sigurt. Siguria e Finlandës dhe Suedisë ka një rëndësi të drejtpërdrejtë për Aleancën, përfshirë gjatë procesit të pranimit,” thuhej në deklaratë.

#NATO leaders have just agreed our new Strategic Concept, the blueprint for our Alliance in a more competitive world. #NATOSummit #Madrid https://t.co/asolkHK5I8

— Jens Stoltenberg (@jensstoltenberg) June 29, 2022

Tanimë, vendimi do të shkojë në parlamentet dhe legjislaturat e 30 vendeve anëtare për ratifikim përfundimtar.

Udhëheqësit e NATO-s thanë se prisnin që procesi të ecë shpejt, duke lejuar një pranim të paprecedentë, për të treguar unitet kundër presidentit Putin.

Zyrtarizimi i ftesave vjen pas zgjidhjes diplomatike të arritur ndërmjet Suedisë dhe Finlandës me Turqinë, pasi kjo e fundit refuzonte anëtarësimin e tyre, me arsyetimin se në vendet skandinave strehoheshin anëtarë të Partisë së Punëtorëve të Kurdistanit (PKK) dhe nga lëvizja e Fethullah Gulen.

LEXONI GJITHASHTU

• Zelenski paralajmëron NATO-n: Lufta e Rusisë nuk do të përfundojë me Ukrainën
• Biden: SHBA po rrit forcat ushtarake në Evropë për kërcënimin rus
• FOTO | Rama shtrëngim duarsh me Biden në Samitin e NATO-s