Napoli në festë, tifozët festojnë në rrugët e qytetit triumfin në Kupën e Italisë

I ndaluan të futeshin në stadium, por kjo nuk i pengoi që të shpërthenin në festë në rrugët e qytetit.

Tifozët e Napolit festuan triumfin në kupën e Italisë pa u shqetësuar aspak për distancimin fizik.

I gjithë qyteti ishte në delir pas suksesit për herë të gjashtë në kupën e Italisë.

Për sa i takon ndeshjes koha e rregullt nuk prodhoi fitues pasi u mbyll në barazim pa gola. Në llotarinë e 11 metërshave napolitanët u treguan më të saktë duke mos gabuar në asnjë rast dhe ngritën lart trofeun e kupës.

Për bardhezinjtë gabuan që në fillim Dybala dhe Danilo dhe kjo e bëri akoma më të vështirë misionin e zonjës së vjetër për të fituar trofeun e parë sezonal.

Një natë tjetër larg pritshmërive për Cristiano Ronaldon, i cili nuk arriti të ndihmonte bardhezinjtë të fitonin kupën e italisë.

Një fitore kjo e merituar e napolitaneve që e kërkuan më shumë se kundërshtarët fitoren. Një meritë në këtë aspekt ka edhe trajneri Gennaro Gattuso që i ka dhënë skuadrës grintën që i mungonte.