Hysni Gucati ‘kthehet’ në Kosovë

Ish-kryetari i OVL-UÇK-së, Hysni Gucati ka shkuar në Kosovë.

I shoqëruar nga forca të shumta të njësive speciale të EULEX-it, Gucati ka vizituar nënën e tij të sëmurë në QKUK, shkruan KosovaPress.

Rreth 2 muaj më parë Dhomat e Specializuara të Hagës shpallën fajtorë Drejtuesit e Organizatës së Veteranëve të Luftës së Ushtrisë Çlirimtare të Kosovës (OVL-UÇK), Hysni Gucati dhe Nasim Haradinaj, duke i dënuar me 4 vjet e gjysmë burgim, të mërkurën.

Atyre do t’iu llogaritet edhe koha e kaluar në paraburgim, rreth dy vjet, e si rezultat do të qëndrojnë në burg edhe 2 vjet e gjysmë.

Pjesë e dënimit është edhe pagesa e një gjobe prej 100 eurosh.

LEXONI GJITHASHTU:

• Gjykata e Hagës dënon Haradinajn dhe Gucatin me nga 4 vjet e gjysmë burgim
• Gjyqi ndaj Hysni Gucatit, avokati: Prokurori po bashkëpunon me serbë që kanë kryer krime lufte