Të paktën gjashtë persona kanë humbur jetën dhe 15 të tjerë janë plagosur në Slovyansk të Ukrainës, si pasojë e bombardimeve nga forcat ruse.
Lajmin e konfirmoi zëdhënësja e rajonit të Donetsk, Ova Ignatchenko për mediat vendase, shkruan BBC.
Ndërsa, për sulme është raportuar edhe në qytetin e Kramatorsk, që ndodhet në jug të Slovyansk.
Slovyansk dhe Kramatorsk janë dy nga qytetet më të mëdha në rajonin e Donetskut.
Rusia pretendon se forcat e saj kanë marrë nën kontroll të plotë rajonin e Luhanskut në Ukrainën Lindore, pasi pushtuan qytetin e Lysychansk.
Zyrtarët ukrainas kanë deklaruar se kjo është një propagandë e Rusisë.
Kryefaqja
