Protestuesit në Shkup godasin forcat policore në hyrje të Parlamentit

Protestues të shumtë janë mbledhur para godinës së Parlamentit të Maqedonisë së Veriut, ku protestohet kundër propozimit francez për zgjidhjen e kontestit me Bullgarinë.

Ata kanë qëlluar me koktej molotovi dhe sende të forta në drejtim të policisë, që ndodhet në hyrje të godinës së Parlamentit.

Edhe pse janë gjuajtur vazhdimisht nga protestuesit, policia ka ruajtur qetësinë dhe nuk ka vepruar ndaj tyre.

Një pjesë e protestuesve kanë veshur maska dhe përveçse kanë goditur, gjithashtu kanë ofenduar me fjalë fyese policinë.

Ata kërkojnë dorëheqjen e Ministrit të Jashtëm Bujar Osmani, pasi sipas tyre, një shqiptar nuk mund të udhëheqë këto bisedime.

Fillimi i protestës ishte i qetë, në marshimin drejt Ministrisë së Jashtme, por më pas gjithçka agravoi dhe protestuesit filluan të përdornin sende të forta.

Shumcia e protestuesve janë qyetatarë që identifikohen si përkrahës të partisë opozitare maqedonase, VMRPO DMPNE.

LEXONI GJITHASHTU

• Tensione në Shkup, protestuesit thyejnë xhamat e ministrisë, lëndohen 4 policë
• Katër policë të lënduar nga protesta në Shkup, thotë ministri maqedonas