Rikthehet Serie-A, luhen sot dy nga ndeshjet e prapambetura të javës së 26-të

Pas 104 ditësh ndërprerje, Serie-A rikthehet në fushën e lojës. Kampionati italian do të rinisë fillimisht me ndeshjet e prapambetura të javës së 26-të për të vijuar më pas me ndeshjet e javës së 27-të.

Sot do të zhvillohen dy takime. Torino- Parma dhe Verona-Cagliari, ndërkohë që ditën e nesërme do luhen Atalanta-Sasuolo dhe Inter- Sampdoria.

Të hënën do të jetë radha e ekipeve te mëdha si Juventus e Milan për të zbritur në fushë.

 Kalendari pritet që të jetë mjaft i ngjeshur pasi do të luhet në fundjave dhe në mesjavë.

Në garë për titullin kampion janë Juvetus dhe Lazio që ndahen nga vetëm 1 pikë, por nuk duhet harruar as Interi.

Pas disfatës në kupën e Italisë përballë Napolit, Juventus do bëjë çfarë është e mundur për të ruajtur vendin e parë dhe për të ngritur lart titullin pasi në të kundërt për ta ky do ishte një sezon i dështuar.

Deri në fundin e serisë A kanë mbetur edhe 12 javë për tu luajtur dhe janë shumë pikë në lojë. Një gjë është e sigurt, do mund të triumfojë skuadra që do të menaxhojë më mirë situatën.