Rritje rekord e të infektuarve me COVID-19 në 24 orët e fundit, OBSH: Kemi hyrë në fazë të rrezikshme

Një rritje rekord e të infektuarve me coronavirus gjatë ditës së diel. Organizata Botërore e Shëndetësisë bën me dije se  në 24 orët e fundit u regjistruan mbi 180 mijë raste të reja me COVID-19.

Amerika veriore dhe ajo  jugore raportojnë nivelin më të lartë, me mbi 116 mijë të infektuar në vetëm një ditë. Brazili dhe India janë dy shtetet e tjera më të prekura.

Sipas OBSH në nivel global deri më tani, 461 mijë persona kanë humbur jetën për shkak të pandemisë, ndërsa 8.7 milionë janë të infektuar.

Kreu i OBSH u shpreh së fundmi se pandemia e shkaktuar nga coronavirus ka hyrë në një fazë të re dhe të rrezikshme, dhe duhet treguar kujdes ekstrem.