‘Ishte faji im’, shefi i policisë merr përgjegjësinë për vrasjen e Shinzo Abe

Shefi i policisë së qytetit Nara ku u vra ish-kryeministri i Japonisë Shinzo Abe, tha se merr përgjegjësinë për ngjarjen e rëndë, pasi dështoi për të garantuar sigurinë e tij.

Tomoaki Onizuka deklaroi në një konferencë për shtyp të shtunën se personeli i sigurisë së Abe ndoqi planin e miratuar nga ai, shkruan CNN.

“Pasi raportimi i parë për incidentin erdhi në orën 11:30 dhe më pas ndodhi vrasja, u ndjeva fajtor dhe i keqardhur për 27 vitet e mia në zbatim të ligjit. E ndjej peshën e përgjegjësisë sime”, shtoi Onizuka.

Vrasja e ish-kryeministrit Shinzo Abe të premten teksa po zhvillonte një fushatë në qytetin Nara tronditi Japoninë, por edhe politikën në të gjithë botën.

Në drejtim të tij, u qëllua dy herë, por Aben e kapi plumbi i dytë që më pas rezultoi fatal për të pasi i mori jetën.

Pas së shtënës së parë, Abe i cili po fliste, kthehet për të parë dhe në atë moment është qëlluar për herë të dytë, ku më pas ish-kryeministri ka rënë në tokë.

Yamagami u tha hetuesve pas arrestimit se mbante mëri ndaj një grupi të caktuar dhe se arsyeja që e çoi të kryente këtë akt ndaj ish-kryeministrit ishte se besonte se Abe ishte i lidhur me këtë grup.

LEXONI GJITHASHTU

• ‘Plumbi i dytë rezultoi fatal’, si ndodhi vrasja e ish-kryeministrit japonez
• Vrau ish-kryeministrin japonez, autori rrëfehet përpara hetuesve të policisë
• Arrestohet i dyshuari për vrasjen e ish-kryeministrit japonez, Shinzo Abe