VIDEO | Protestuesit në Sri Lanka i vënë flakën rezidencës së kryeministrit

Protestuesit në Sri Lanska kanë hyrë në rezidencën private të kryeministrit Ranil Wickremesinghe dhe i kanë vënë flakën.

Lajmi është bërë i ditur nga zyra e shtypit e kreu të qeverisë. Wickremesinghe nuk ndodhej në ato momente në rezidencë, pasi ishte zhvendosur më parë në një vend më të sigurt.

Rezidenca ndodhet në “Fifth Lane” në kryeqytetin Colombo dhe është vendi ku banon kryeministri me familjen e tij.

#WATCH | Sri Lanka: Amid massive unrest in the country, protestors set ablaze the private residence of Sri Lankan PM Ranil Wickremesinghe#SriLankaCrisis pic.twitter.com/BDkyScWpui

— ANI (@ANI) July 9, 2022

Të paktën 55 persona janë plagosur në protestën e dhunshme që ka përfshirë kryeqytetin e Sri Lankës, Colombo këtë të shtunë. Sipas autoriteteve vendase, tre prej tyre janë plagosur me armë zjarri.

Kryeministri Ranil Wickremesinghe ka reaguar në lidhje me protestën, ku bëri me dije se është i gatshëm të japë dorëheqjen.

Protestuesit kanë sulmuar godinat qeveritare, përfshirë rezidencën presidenciale në Colombo.

Qytetarët kërkojnë dorëheqjen e presidentit, i konsideruar përgjegjës për krizën ekonomike që ka pushtuar vendin, me një inflacion rekord, mungesë karburanti, energjie elektrike dhe ushqimesh.

LEXONI GJITHASHTU

• Të plagosur me armë në protestën në Sri Lanka, qeveria e gatshme për dorëheqje
• VIDEO/Protestë e dhunshme në Sri Lanka, mijëra qytetarë futen në Presidencë
• Protestë e dhunshme në Sri Lanka, qytetarët futen në godinat qeveritare